Incekum, Tyrkland

Pegasos Resort


6 manns í sama herbergi
Barnaverð til og með 15 ára
Barnaklúbbur
Íslenskur
Sundlaug:
9
Strönd
0 m
Miðbær
3 km/25 km

Vinsælt fjölskylduhótel á einni bestu strönd Tyrklands

Öll útisvæði Pegasos Resort eru sameiginleg með systrahótelunum  Pegasos Royal og Pegasos Club. Það þýðir að þrátt fyrir að borga aðeins fyrir eitt hótel færðu að njóta sundlaugaraðstöðu og útisvæða þriggja hótela.

Börn fá barnaafslátt upp að 16 ára aldri.  Í sjóræningjaklúbbi Kapteins Nemo fá börnin þjálfun í göfugum listum sjóræningja (maí-október) á meðan að unglingarnir fá að slappa af með nýjum vinum í Chill out klúbbnum (maí-október). Hér er einnig sundskólinn okkar Swim a´hoy (júní-október) og nýjung fyrir 2015 er fjölskyldudagur með leiki og fjör fyrir alla fjölskylduna. Þetta kostar auðvitað ekki krónu aukalega og eru íslenskir og norrænir leiðbeinendur sem sjá um þetta allt saman.

Pegasos Resort er staðsett við yndislega eins kílómetra langa sandströnd sem er fínkorna og grunn. Við ströndina er svo einstök Wipeout braut með ólíkum hindrunum!

Þar sem Pegasos Resort liggur á milli Pegasos Royal og Pegasos Club ertu nálægt öllu. Hér færðu heillandi og gróinn garð, skemmtilega afþreyingu allan daginn og yndislega sumarfrísstemmningu við sviðið á kvöldin. Pegasos Resort er sérstaklega vinsælt meðal para sem vilja njóta samvista við hvort annað í örlítið rólegra umhverfi á meðan rúmgóð herbergin og nálægðin við bæði sundlaugargarð, Wipeout brautina og ströndina heillar margar barnafjölskyldur.

Pegasos Resort stendur sko sannarlega undir öllum þeim væntingum sem við gerum til hótelanna okkar; það þarf að vera nálægt ströndinni, bjóða upp á margskonar afþreyingu fyrir börnin, hafa stóran sundlaugargarð og að sjálfsögðu vera með „allt innifalið”. En eitt er á hreinu, að það verður ekki auðvelt að fara heim aftur!

Paradís sandkastala-arkitekta

Við hjá Nazar höfum valið ströndina við Pegasos Resort sem okkar uppáhaldsströnd. Hún er meira en kílómetra löng og algjörlega einstök með sinn fallega og fíngerða gyllta sand. Þar sem vatnið er grunnt geta börnin leikið sér örugg við sjávarmálið á meðan að þú fylgist með flatmagandi á sólstólnum. Á ströndinni er svo alveg meiriháttar Wipeout braut!

Þessi hindrunarbraut samanstendur af stórum uppblásnum hindrunum sem fljóta í sjónum við hótelströndina, og innblástur hefur verið fenginn frá samnefndum sjónvarpsþáttum. Hindrunarbrautin tekur vatnaafþreyingu skrefinu lengra og hér geta þeir sem þora manað sig eða aðra í villtar wipeout þrautir í vatninu.

Taktu við áskoruninni og hoppaðu, buslaðu og stökktu á þessari einstöku braut sem er ekki eitthvað sem þú sérð venjulega á hótelum. Brautin er opin daglega frá klukkan 10:00 til 18:00 frá 15. maí til 15. september. Athugaðu að veðurfar eins og t.d. vindur og öldugangur geta valdið því garðinum verði lokað í um lengri eða skemmri tíma.

Hér geturðu séð fleiri myndbönd og myndir frá wipeout brautinni.

Rétt fyrir utan hótelið er kyrrláta laugin þar sem hægt er að slappa af með góða bók eða njóta þess að liggja í bleyti í friði og ró. Ef þú vilt frekar hafa líf og fjör skaltu demba þér í laugarnar við Pegasos Royal og Pegasos Club þar sem leikin er tónlist og ýmsir viðburðir skipulagðir. 

Sundlaugargarður nágrannahótelsins Pegasos Royal er byggður upp sem fínasti sjóræningjakastali, þar sem hver vatnsrennibrautin á fætur annarri hringar sig niður í átt að lauginni. Hér má finna háar og brattar rennibrautir fyrir hugaða, og minni rennibrautir ásamt sér ungbarnasvæði fyrir þau allra minnstu. En börnin eru fljót að eignast nýja vini á meðan að þau hlaupa upp og niður tröppurnar.

Handklæði fyrir sundlaug og strönd er innifalið hér en þú getur fengið nýtt handkæði daglega við heilsulindina.

Vatnsrennibrautir

Pegasos Royal

Kamikaze 1
16 m löng, dýpt sundlaugar 1,20 m.  

Kamikaze 2
54 m löng, dýpt sundlaugar 1,20 m. 

Græna vatnsrennibraut Kapteins Nemo
37 m löng, dýpt sundlaugar 1,20 m. 

Bláa vatnsrennibraut Kapteins Nemo
20 m löng, dýpt sundlaugar 1,20 m. 

Appelsínugula vatnsrennibraut Kapteins Nemo
47 m löng, dýpt sundlaugar 1,20 m. 

Gula vatnsrennibraut Kapteins Nemo
8,5 m löng, dýpt sundlaugar 1,20 m. 

Royal opin græn vatnsrennibraut
35 m löng, dýpt sundlaugar 1,20 m. 

Royal opin gul vatnsrennibraut
6,5 m löng, dýpt sundlaugar 1,20 m. 

Royal hvít vatnsrennibraut
4 m löng, dýpt sundlaugar 1,20 m. 

Barnalaug (sveppurinn)
5 m löng, dýpt sundlaugar 35 cm. Fyrir börn 3-8 ára. 

 

Pegasos Resort 

Stór gul rennibraut
28,5 m löng, dýpt sundlaugar 1,30 m. 

Hvít göng
11,5 m löng, dýpt sundlaugar 1,30 m. 

Opin laug
6,3 m löng, dýpt sundlaugar 1,30 m.  

Barnalaug Mikki mús 1
5,77 m löng, dýpt sundlaugar 50 cm. Fyrir börn 3-8 ára.

Barnalaug Mikki mús 2
5,70 m löng, dýpt sundlaugar 50 cm. Fyrir börn 3-8 ára.

Barnalaug Mikki mús 3
5,77 m löng, dýpt sundlaugar 50 cm. Fyrir börn 3-8 ára.

Af öryggisástæðum eru aldurs- og hæðartakmarkanir á ákveðnum rennibrautum. Athugið að hótelið getur breytt sínum reglum án þess að upplýsa Nazar um það.

Gegn greiðslu

Viss vatnaævintýri.

Reikningurinn er greiddur heiman frá!

Þrjár aðalmáltíðir dagsins eru snæddar á aðalveitingastað Pegasos Resort sem er fullur af bæði sérréttum og vinsælum uppáhaldsréttum. 

Í morgunmatnum er boðið upp á alþjóðlegan morgunmat en einnig nýbakað brauð og margskyns álegg, osta og ávexti. Á hlaðborðinu má einnig finna gott úrval af heitum morgunverðarréttum. Hádegisverðarhlaðborðið er álíka girnilegt og byrjar fljótlega eftir að morgunverðarhlaðborðinu lýkur en kvöldverðarhlaðborðið tekur svo við. Hér er hægt að prófa mikið úrval af alls kyns tyrkneskum réttum ásamt þekktum alþjóðlegum réttum. Mikið af þessu er eldað á staðnum og jafnvel eftir þínum óskum. Ef þú vilt passa uppá línurnar á meðan að þú ert í fríi getur þú glaðst yfir miklu úrvali á salatbarnum þar sem þú munt pottþétt fá vatn í munninn og sannfærast um að það sem er hollt getur líka verið gott.

Á aðalveitingastaðnum er sérstakt svæði þar sem boðið er upp á sérfæði, sem sérstaklega er ætlað gestum með glútenofnæmi, hnetuofnæmi eða laktósóþol. Lestu meira um sérfæði og fylltu út eyðublað um ofnæmi hér fyrir neðan undir "Að ferðast með ofnæmi eða mataróþol".

Þú mátt alls ekki missa af eftirréttarhlaðborðinu þar sem borðin svigna undan kræsingunum. Við mælum sérstaklega með því að þú prófir „baklava“ tyrkneska hunangsköku sem er himnaríki líkust. Á ákveðnum tímum er boðið upp á mjúkís í ísbúð Nazars þar sem boðið er upp á tvær mismunandi bragðtegundir. Eins og það sé ekki nóg þá er einnig boðið upp á laktósfrían mjúkís. Á þeim tíma sem ekki er boðið upp á mjúkís er að sjálfsögðu venjulegur ís í boði.

Það er mikið um að vera þegar aðalmáltíðir dagsins eru bornar fram og börnin geta smakkað alla sína uppáhaldsrétti um leið og þau spjalla við alla nýju vinina sem þau hafa eignast í barnaklúbbnum eða við sundlaugina. Þegar mest er að gera getur verið svolítið þröngt við hlaðborðin og því er kannski sniðugt að borða kvöldmatinn örlítið fyrr eða seinna en venjulega til að sleppa við örtröðina.

Gestir okkar á Pegasos Resort hafa aðgang að þrem þema veitingastöðum sem staðsettir eru í stóra hótelgarðinum sem hótelið deilir með Pegasos Royal og Pegasos Club.

Þú getur valið á milli eftirfarandi: Ítalskur (á Resort), tyrkneskur (á Resort) eða asískur (á Club). Á meðan að sætaframboð leyfir mátt þú snæða frítt á einum þessara þema veitingastaða á meðan að á dvöl þinni stendur. Athugið að sumir þema veitingastaðirnir eru utanhúss og því getur opnunartími þeirra farið eftir veðri. 

Mundu að panta borð hjá „Guest Relations“ á þínu hóteli. Allir innlendir drykkir eru innifaldir en ef þú vilt fá vínflösku eða innflutta drykki þá þarf að greiða sérstaklega fyrir það. Þema veitingastaðirnir eru mjög vinsælir svo bóka þarf borð með að minnsta kosti dags fyrirvara.

Gegn greiðslu

Drykkir í flösku, ferskur ávaxtasafi, tyrkneskt kaffi og innfluttir drykkir. Kvöldverðir á þema veitingastöðum að undantöldum þeim sem innifaldur er í verði.

Opnunartími:

Opnunartími:
Morgunverður Aðalveitingastaður 07:00 - 10:00
Morgunsnarl Aðalveitingastaður 10:00 - 10:30
Hádegisverður Aðalveitingastaður 12:30 - 14:30
Kvöldverður Aðalveitingastaður 18:30 - 21:00
Barnahlaðborð Aðalveitingastaður 18:30 - 21:00
Kaffi & kökur   16:30 - 17:00
Þema veitingastaðir   19:00 - 21:00
Miðnætursnarl   23:30 - 00:00
Ís   11:00 - 21:30
Léttir réttir   11:30 - 16:30
Beach Bar   10:00 - 18:00
Disco   23:00 - 03:00
Lobby Bar   10:00 - 01:00
Snack Bar   10:00 - 01:00
Promenade Bar   16:00 - 00:00

Vinsamlegast athugið að tímasetning og framboð getur breyst eftir fjölda gesta og árstíma. Þema veitingastaðina má nota á meðan að pláss leyfir.

Slappaðu af – við sjáum um skemmtiatriðin!

Leiðbeinendur okkar eru tilbúnir að skemmta minnstu gestunum í barnaklúbbunum okkar.

Upplýsingar um barnaafþreyingu fyrir sumarið 2017 verða uppfærðar veturinn 2016-2017.

Sjóræningjaklúbbur Kapteins Nemo

Í klúbbi Kapteins Nemo er hægt að teikna og mála, spila, klæða sig í búninga eða jafnvel taka þátt í afmælisveislu Kapteins Nemo. Þá er fagnað og allir fá köku og syngja afmælissönginn. Einnig er hægt að kaupa sjóræningjabúning, en að öðru leyti er öll þátttaka í klúbbi Kapteins Nemo ókeypis og þar eru íslenskir leiðbeinendur. Ef þú flýgur hingað frá Kaupmannahöfn, á tímum sem ekki er flogið frá Íslandi (27.maí-28.október), eru þó skandinavískir leiðbeinendur í sjóræningjaklúbbnum.

Ef að börnin eru með mikla hreyfiþörf geta þau tekið þátt í sjóræningjaleikfimi á morgnana, en alla vikuna læra þau ólíka dansa sem svo eru sýndir á minidiskótekinu fimm kvöld vikunnar. Sjóræningjaklúbburinn er opinn fimm daga vikunnar frá maí til október og er fyrir öll börn á aldrinum 4-12 ára. 

Chill Out klúbburinn – bara fyrir unglinga!

Núna hafa unglingarnir einnig möguleika á að sleppa frá foreldrunum og í staðinn eyða tíma með öðrum unglingum frá Norðurlöndunum á aldrinum 12-16 ára. Í Chill out klúbb Nazar, sem er opinn fimm daga vikunnar frá maí og fram í október, er hægt að hlusta á tónlist, stunda íþróttir eða bara sleikja sólskinið. 

Swim a´hoy sundskólinn

Ímyndaðu þér stoltið sem mun skína úr andliti barnsins þíns þegar það snýr aftur í skólann og segist hafa lært að synda í sumarfríinu! Þar sem sumarfrí á Pegasos Resort býður upp á mikið af vatni er mikilvægt að börnunum finnist þau örugg í vatninu. Norræni sundskólinn Swim a´hoy er opinn frá júní og fram til október og er innifalinn í verðinu. Allir leiðbeinendur hafa viðurkennd réttindi í sundkennslu.
 Sundskólinn er fjórum sinnum í viku og er skipt niður í tvo hópa; 4-7 ára og 8-12 ára. Yngri hópurinn er aðallega að læra hvernig hægt er að leika sér öruggt í vatninu á meðan að eldri aldurshópurinn fær meiri venjulega sundkennslu.


ATH! Skráning fer fram hjá leiðbeinendum okkar á áfangastað og það er takmarkaður fjöldi barna í hverjum hóp.

Þegar börnin eru orðin örugg í vatninu er mikið af sundlaugum til að leika sér í bæði barnalaugar og stærri sundlaugar. Hápunkturinn eru svo allar rennibrautirnar í Kastala Kapteins Nemo.

Dance Stars dansskóli

Hér læra börnin að dansa við öll nýjustu lögin.

Dansskólinn Dance Stars verður í boði þrisvar í viku og einu sinni í viku verður haldin sýning þar sem þú færð að vera stjarna kvöldsins og sýna stoltum foreldrum öll nýju danssporin sem þú hefur lært. Dansskólinn er miðaður að tveimur aldurshópum; yngri hópurinn er fyrir börn á aldrinum 7-11 ára en eldri hópurinn er fyrir 12 ára og eldri.  

Fjölskyldudagur

Hér verða skipulögð alls kyns afþreying fyrir bæði börn og fullorða eins og til dæmis leikir fyrir alla fjölskylduna.

Fjölskyldudagurinn er skipulagður sem nokkrir tímar annaðhvort fyrir eða eftir hádegi einu sinni í viku í júní-október. Athugið að lágmarksþátttaka verður að nást til að dagurinn sé haldinn.

Gegn greiðslu

Sjóræningjasigling, sjóræningjapakkinn.

Leyfðu þér að njóta lífsins

Ert þú keppnismanneskja? Þá munt þú finna fjöldann allan af áhugaverðum viðburðum hér og það getur verið allt frá strandblaki að alls kyns vatnaleikjum. Þú getur valið á milli þess að fara í tennis, borðtennis og minifótbolta eða jafnvel prófað nákvæmni þína í pílukasti, ja eða bara hoppað ofan í laugina og prófað alls kyns vatnaleikfimi.

Það er frír internetaðgangur í móttökunni en gegn smá gjaldi er einnig hægt að fá internetaðgang í herbergið þitt. Fjöldi notenda getur haft áhrif á hraða Internetsins.

Ef þú ert farin/n að þjást af slæmri samvisku eftir of marga yndislega kvöldverði getur þú skroppið í líkamsræktarstöðina í kjallaranum og tekið vel á því. Eða af hverju ekki að byrja daginn með því að fara út og skokka á fína hlaupastígnum sem tengir saman Pegasos hótelin þrjú og liggur á milli trjágarðsins og strandarinnar.

Á hverju kvöldi er svo dans og sýning eftir að börnin hafa dansað eins og litlar stjörnur á minidiskótekinu. Fólk er yfirleitt alltaf lengur eftir diskótekið svo að þá ræður alvöru sumarfrísstemning með drykkju og fjöri langt fram á nótt. Á hverju kvöldi hefur öll fjölskyldan möguleika á að finna eitthvað við sitt hæfi á sviðinu.

Ef þig langar að taka eitthvað meira en minningarnar með heim, skaltu skoða í verslanir hótelsins þar sem hægt er að kaupa m.a. leðurvörur, skartgripi og minjagripi.

Gegn greiðslu

Vissar vatnaafþreyingar, tennis, lýsing á tennisvelli, leiga á tennisútbúnaði og þráðlaust Internet á herbergi, svo framarlega sem þú hefur ekki bókað Comfort Class.

Nýinnréttuð herbergi

Vetur og vor 2013 var Pegasos Resort mikið endurnýjað og herbergin eru því nútímaleg og ljós. Öll tvíbýli, samtengd tvíbýli, deluxeherbergi og fjölskyldusvítur hafa fengið nýtt plastparket og eru nú í ljósum litum. Stíllinn er nútímalegur en þó tímalaus með ljós tréhúsgögn og vefnaðarvöru í gylltum litum sem gefur bæði líf og hlýju. Stórir speglar og hlýleg lýsing opna herbergin og skapa heimilislega stemningu.

Allar vistarverur hafa miðstýrða loftkælingu og öryggishólf. Einnig er lítill ísskápur, sími, sjónvarp og þráðlaust Internet (gegn greiðslu) á öllum herbergjum. Í litla ísskápnum er innifalin ein vatnsflaska daglega. Ef þú vilt fá ísskápinn fylltan er það gegn greiðslu. Öll herbergi hafa baðherbergi með sturtuklefa og hárþurrku, en einnig eru svalir á öllum vistarverum með borði og tveimur stólum. Plastparket er á öllum gólfum nema í Grand Svítunni og Forsetasvítunni en þar er gólfteppi. Athugið að hraði Internetsins fer eftir fjölda notenda. Ef þú hefur bókað Comfort Class er þráðlaust Internet að sjálfsögðu innifalið.

Herbergi hlið við hlið!

Auðvitað viljið þið fjölskyldan eða vinirnir dvelja hlið við hlið í sumarfríinu! Þessi sívinsæli möguleiki er nú í boði á öllum okkar Nazar Collection hótelum. Frábær kostur fyrir stóru fjölskylduna eða vinafólk sem ferðast saman.

Bókaðu tvö herbergi og tryggðu þér að hámark 3 hurðir séu á milli herbergjanna. Þetta kostar 7.500 kr/vika á herbergi og á við um flestar herbergistegundir.

Tvíbýli, 2-3 manna

Í þessum u.þ.b. 25 m² tvíbýlum er annaðhvort tvíbreitt rúm eða tvö einbreið rúm. Hér er pláss fyrir 2-3 manns, þar sem einn þarf þá að sofa í aukarúmi. Í þessari herbergistegund þurfa a.m.k. tveir að greiða fullt verð. Þú hefur einnig möguleika á að bóka þetta herbergi sem einstaklingsherbergi gegn vægri þóknun. Gott pláss er í fataskápum og þar að auki er lítið borð og tveir stólar í herberginu. Herbergin snúa öll í átt að hafi, en þó er útsýnið misjafnt eftir því hvar herbergið er staðsett.

Hlið við hlið: Þegar þú býrð í þessu herbergi geturðu tryggt þér að búa hámark 3 hurðum frá öðru Tvíbýli eða Samtengdu tvíbýli.

Samtengd tvíbýli 4-6 manna

Samtengd tvíbýli eru tvö venjuleg tvíbýli (sjá lýsingu hér að ofan) sem tengjast saman með hurð á milli, samtals um það bil 50 m². Hér geta dvalið allt að sex fullorðnir með minnst fjóra sem greiða fullt verð. Tveir þurfa þá að sofa í aukarúmum og hægt er að fá tvö barnaverð. Herbergin snúa öll í átt að hafi, en þó er útsýnið misjafnt eftir því hvar herbergið er staðsett.

Hlið við hlið: Þegar þú býrð í þessu herbergi geturðu tryggt þér að búa hámark 3 hurðum frá öðru Tvíbýli.

Deluxe herbergi, 2-4 manna

Hér er pláss fyrir fjóra, mest þrjá fullorðna en minnst tveir þurfa að greiða fullt verð. Deluxe herbergin eru u.þ.b. 30m² og hafa sömu fínu innréttingarnar og tvíbýlin en eru þó stærri og hafa þægilegt sófahorn. Börnin sofa í aukarúmum. Herbergin snúa öll í átt að landi, en þó er útsýnið misjafnt eftir því hvar herbergið er staðsett.

Hlið við hlið: Þegar þú býrð í þessu herbergi geturðu tryggt þér að búa hámark 3 hurðum frá öðru Deluxe herbergi.

Fjölskyldusvíta með sjávarútsýni, 2-4 manna

Fjölskyldusvíturnar eru allar innréttaðar í sama smekklega stílnum og tvíbýlin, en hér færðu eitt svefnherbergi og eitt herbergi sem er blanda af setustofu og svefnherbergi. Þetta er sérlega þægilegur og hentugur valmöguleiki fyrir fjölskyldu sem ferðast með tvö börn. Hér geta dvalið allt að fjórir með mest þrjá fullorðna en minnst tveir þurfa að greiða fullt verð. Hægt er að fá allt að tvö barnaverð.

Pegasos Resort hefur nokkrar ólíkar gerðir af fjölskyldusvítum sem eiga það þó sameiginlegt að vera allar um 50 m², eru allar með svalir og minnst eitt baðherbergi. Fjölskyldusvíturnar vísa allar í átt að hafi en misjafnt er hversu gott útsýnið er. Efstu fjölskyldusvíturnar eru þægilegar þakíbúðir. Sjávarútsýnið frá þeim svítum er mjög takmarkað, en er þó skárra frá svölunum.  Ekki er hægt að velja sérstaka gerð af fjölskyldusvítu við bókun.

Grand Svíta með sjávarútsýni, 2-3 manna

Þessi u.þ.b. 64 m² svíta er tilvalin fyrir þá sem vilja upplifa mikinn lúxus. Hér færðu stórar og þægilegar svalir með sjávarútsýni, stóra setustofu með sófahorni og borðstofuborði, svefnherbergi með himnasæng og baðherbergi með nuddpotti. Hér geta dvalið allt að þrír en minnst tveir þurfa að greiða fullt verð.

Forsetasvíta, 3-4 manna

Eruð þið fleiri sem ferðist saman og viljið mikinn lúxus þá ættuð þið að velja forsetasvítuna. Þessi svíta líkist Grand svítunni mikið en helsti munurinn er að hér eru tvö svefnherbergi en svítan er u.þ.b. 130m². Í öðru svefnherberginu er tvíbreitt rúm en í hinu eru tvö einbreið rúm. Hér eru einnig tvö baðherbergi en í öðru þeirra er nuddpottur. Hér skulu minnst þrír greiða fullt verð en hægt er að fá eitt barnaverð.

Herbergi fyrir einn fullorðinn og tvö börn

Þetta er tvíbýli (sjá lýsingu hér að ofan) þar sem einn fullorðinn getur dvalið með 1-2 börn sem greiða barnaverð.

Gegn greiðslu

Þráðlaust Internet á herbergið, svo framarlega sem þú bókar ekki Comfort Class, öryggishólf.

Njóttu dásamlegs hamam!

Í heilsulindinni bíður vel menntað og þjónustulundað starfsfólkið tilbúið að dekra vel við þig í sumarfríinu. Prófaðu eitthvað af okkar mörgu nudd-, andlits- og líkamsmeðferðum eða byrjaðu fríið með hinu sérstaka tyrkneska baði, hamam. En eftir það líður þér eins og endurfæddri/um á líkama og sál.

Hið tyrkneska hamam (sem þýðir bað) er stórt herbergi úr marmara þar sem gufa og hár hiti sameinast um að opna húðina og hjálpa henni að undirbúa sig undir sólargeislana. Í hamam meðferðinni eru fyrst eru allar dauðar húðfrumur skrúbbaðar í burtu með grófum hanska en síðan fær líkaminn tækifæri til að slappa algjörlega af í notalegu froðunuddi. Eftir þessa meðhöndlun er húðin tilbúin fyrir jafna, náttúrulega sólbrúnku sem heldur sér löngu eftir að þú ert komin/n heim. Tyrkneskt bað er upplifun sem þú mátt alls ekki missa af!

Hafðu samband við farastjóra okkar á hótelinu til að fá frekari upplýsingar um þær meðferðir sem eru í boði. Hjá þeim er einnig hægt að bóka þennan frábæra hamam pakka sem endurnærir bæði líkama og sál.

Gegn greiðslu

Nudd og aðrar líkamsmeðferðir ásamt notkun á heilsulind.

Fín herbergi fyrir hreyfihamlaða

Á Pegasos Resort eru nokkar svítur sem ætlaðar eru hreyfihömluðum. Þær eru 50 m², með teppi á gólfum og sjávarútsýni. Allar svíturnar innihalda tvö herbergi, þar sem annað hefur tvíbreitt rúm en hitt tvö einbreið rúm. Hér er pláss fyrir þrjá fullorðna og eitt barn. Í baðherberginu er sturta og sturtustóll. Handfang er staðsett við vask og klósett og einnig er hárþurrka og veggsími. Í öllum herbergjum er miðstýrð loftkæling, sjónvarp, lítill ísskápur, svalir og öryggishólf. Einnig er hægt að fá þráðlaust Internet gegn greiðslu.

Athugið: frá herberginu og út á pallinn er um það bil 2 cm hár þröskuldur.  Ef þú ert í hjólastól skaltu vera meðvitaður um þetta.

Ef þú ert með hreyfihömlun – almennar upplýsingar

Við sem erum sérfræðingar í lúxusferðum bjóðum upp á nokkur hótel sem eru tilvalin fyrir hreyfihamlaða einstaklinga, en mjög fá hótel í Tyrklandi eru byggð til að henta hreyfihömluðum vel. Þrátt fyrir að ekkert af okkar hótelum séu sérstaklega hönnuð til að taka á móti hreyfihömluðum, þá mælum við sérstaklega með nokkrum útvöldum sem við teljum að gætu hentað þínum þörfum og óskum.

Þau hótel sem eru best hönnuð til að taka á móti hreyfihömluðum eru Pegasos World (Side), Pegasos Resort og Pegasos Royal (Incekum). Jafnvel þótt þú sért bundin/n hjólastól ættir þú að geta komist um allt hótelsvæðið á þessum hótelum. Það er þó engin lyfta niður í sundlaugina og það getur verið erfitt að komast um ströndina þar sem engir rampar eru. Rúmgóðir veitingastaðirnir eru staðsettir þannig að auðvelt aðgengi er frá lyftum og herbergjum.

Góð ráð

  • Það er tiltölulega nýtt í Tyrklandi og fleiri sólarlöndum að hótel aðlagi sig hreyfihömluðum. Gerðu því lista yfir kröfur þínar og væntingar og við finnum bestu lausnina fyrir þig.
  • Skipulegðu ferðina tímanlega og skrifaðu eins nákvæman lista og hægt er. Mælst er til þess að samskipti varðandi kröfur og væntingar séu á skriflegu formi.
  • Deildu upplifun þinni á ferðinni með okkur þegar heim er komið. Það getur verið stór hjálp fyrir aðra hreyfihamlaða gesti.

Fáðu meira út úr fríinu með Comfort Class!

Á þessu hóteli er mögulegt að fá Comfort Class pakkann sem gefur þér auka þægindi í fríinu. Með Comfort Class færð þú meðal annars VIP-innskráningu við komu, frítt þráðlaust Internet, seinni útskráningu á brottfarardag, frátekna sólbekki á ströndinni og margt, margt fleira. Það er takmarkaður fjöldi sem kemst að, svo pantaðu strax í dag!
 Athugið að Comfort Class verður að bóka minnst viku fyrir brottför.

Allt þetta færð þú með Comfort Class

Allt þetta færð þú með Comfort Class:

  • Fráteknir sólbekkir á ströndinni
  • A la carte morgunmatur þrjá daga vikunnar, innifalinn er nýkreistur safi
  • VIP innskráning við komu
  • Frítt Internet í herberginu
  • Möguleiki á einni heimsókn aukalega á þema veitingastaði hótelsins
  • Útskráning á brottfarardag seinkað til kl 18.00
  • 20% afsláttur á allar meðferðir í heilsulind
  • Áfylltur minibar við komu (2 Cola, 1 Cola Light, 1 Fanta, 1 Sprite, 2 sódavatn, 1 l vatn)
  • Baðsloppur og tvö pör af inniskóm
  • Strandhandklæði í herberginu

ATH!  Allir þeir sem dvelja í sama herbergi verða að bóka Comfort Class pakkann (bæði börn og fullorðnir). Innihald pakkans getur verið mismunandi eftir hótelum.

Vilt þú öðlast ógleymanlegar minningar?

Hjá Nazar erum við sérfræðingar í að skipuleggja ferðir til Tyrklands og það er okkar takmark að þú haldir heim á leið með ógleymanlegar minningar í farteskinu. Þess vegna höfum við sett saman fjölbreytta dagskrá, þar sem reynsluríkir fararstjórar fara með þig í æsispennandi ævintýraferðir, freistandi verslunarferðir, heillandi menningarferðir, grípandi náttúruferðir eða leiða þig í villta skemmtun sem fær adrenalínið til að flæða.  Hafðu samband við fararstjóra okkar á áfangastað fyrir frekari upplýsingar um ferðir og skráningu.

Incekum/Alanya

Hótelið liggur í Incekum, rétt utan við Alanya á suðurströnd Tyrklands. Í nágrenni hótelsins má finna talsvert af kaffihúsum og búðum, en við mælum með ferð til Alanya ef þú vilt versla eða fara í skoðunarferð. Alanya er þekkt sem einn af bestu og vinsælustu sumarfrísstöðum Tyrklands.

Í sumum löndum þar sem mataróþol og ofnæmi eru ekki eins algeng eins og hér heima í norðrinu getur stundum verið erfitt að fá sérfæði, eins og t.d. glútenfrían eða laktósfrían mat. Þú getur því ekki reiknað sjálfkrafa með því að slíkt sé í boði á þínum áfangastað. Á þeim hótelum sem við erum í samvinnu með og á þeim veitingastöðum og verslunum sem eru á áfangastað getur verið erfitt fyrir starfsfólkið að skilja hversu mikilvægt það er fyrir einstakling með ofnæmi að hann fái ekki í sig þau fæðuefni sem hann er með ofnæmi fyrir. Við sem ferðaskrifstofa höfum því miður afskaplega lítið að segja um hvernig maturinn er tilreiddur eða það úrval sem í boði er á þeim hótelum sem við erum í samvinnu með. Hótelin taka á móti gestum frá öllum heiminum og því er ómögulegt fyrir þá að verða við öllum séróskum. Þú getur þó alltaf haft samband við þjónustuverið okkar ef þú hefur einhverjar spurningar.

Á Pegasos hótelunum; Pegasos Royal, Pegasos Resort og Pegasos World, þar sem flestir okkar gestir velja að dvelja, getum við nú boðið upp á sérfæði upp að ákveðnu marki.  Þar bjóðum við þá fyrst og fremst upp á sérfæði fyrir gesti okkar sem eru með laktosóþol, hnetuofnæmi og glútenofnæmi. Í ísbúðum okkar er nú einnig boðið upp á laktósafrían ís. Við erum í stöðugri samvinnu með þessum hótelum til að geta sífellt boðið betra úrval af sérfæði, en við viljum þó benda á að úrvalið í „allt innifalið“ sérfæði er ekki eins mikið eins og venjulegu „allt innifalið“.

Ef þú ferðast til einhvers af ofangreindum hótelum hefur þú möguleika á því að hafa samband beint við hótelið með einföldu net-eyðublaði og láta vita um þau ofnæmi eða óþol sem þú hefur. Eyðublaðið, sem við höfum þróað í samvinnu með hótelunum, getur þú fyllt út og sent beint á hótelið áður en þú leggur að stað í ferðalagið. Ef þú hefur einhverjar sérstakar spurningar varðandi ofnæmi, áður en þú bókar ferðina, getur þú sent fyrirspurn án þess að skuldbinda þig að neinu leyti. Best er ef þú lætur bæði fararstjórann eða/og hótelið vita við komu á hótelið hvaða ofnæmi þú ert með. Þau geta skipulagt fund með starfsfólkinu á veitingastaðnum sem á móti geta þá upplýst þig um þá rétti sem í boði eru. Ef þú vilt fylla út eyðublaðið og hafa samband við Pegasos World, Pegasos Resort eða Pegasos Royal með spurningar varðandi ofnæmi eða óþol skaltu velja hér.

Há- eða lágannatími

Þegar að þú ferðast utan háannatíma, getur verið að veitingastaðir, barir og ýmsar verslanir séu lokaðar, eða loki fyrr en venjulega. Á mörgum hótelum er sólin notuð til upphitunar og til að hita upp vatn og því getur verið kaldara á hótelunum í lengri eða styttri tímabil.

Á lágannatíma getur líka verið að hótel velji að loka fyrr en áætlað hafi verið. Þetta getur þýtt að við þurfum að láta gesti okkar vita með tiltölulega stuttum fyrirvara að þeirra hótel hafi breyst. Einnig getur verið að hluti af hótelsvæðinu sé lokaður eða loki fyrr utan háannatíma. Þetta gildir t.d. um veitingastaði, sundlaugar, bari, barnaskemmtanir og fleira. Innihaldið á hlaðborðunum er miðað við fjölda gesta og því gæti úrvalið minnkað eitthvað.

Á háannatíma (frá 1. júní til 30. september) er yfirleitt líf og fjör á hótelinu og því geta myndast biðraðir á veitingahúsin eða barnum eða biðtími lengst. Það er ekki óvanalegt að tónlist sé á börunum og veitingahúsunum. Athugið að það getur orðið rafmagnslaust eða vatnslaust bæði á háanna- og lágannatíma.